Двигателларда кулланилган асосий атама ва тушунчаларни изохлаш учун бир цилиндрли поршенли ИЁД схемасидан фойдаланамиз.

Юкори чекка нукта (Ю.Ч.Н.) -  поршенни тирсакли вал укидан узоклашган энг чекка туриш холати.

Пастки чекка нукта (П.Ч.Н.)  - поршенни тирсакли вал укига якинлашган энг чекка туриш холати.

Поршен йули – поршенни бир чекка нуктадан иккинчи чекка нуктагача караб харакатланганидаги босиб утган масофаси. Одатда поршен йули S харфи билан белгиланиб тирсакли вал кривошипининг икки радиусига тенг, яъни  S = 2R.

 Цилиндрнинг ишчи хажми – ушбу хажм поршен Ю.Ч.Н. дан П.Ч.Н.га харакатланиб булганида хосил булади ва V_h харфи билан белгиланади,

Сиқиш камерасининг хажми -  поршен Ю.Ч.Н. да турганида унинг туби билан  двигател  блокининг  каллаги  орасидаги  хосил  булган хажм ( V_c).

Цилиндрнинг тула хажми – поршен П.Ч.Н. да турганида унинг туби билан  двигател блокининг каллаги орасида хосил булган хажм

Двигател литражи -  двигателнинг барча ишчи хажмларини литрда ифодаланган йигиндисига тенг булади.

Сиқиш даражаси – цилиндрнинг тула хажмини сиқиш камерасининг хажмига нисбати билан аникланади.

Сиқиш даражаси улчов бирлиги йук сон булиб поршен П.Ч.Н дан Ю.Ч.Н. га етганида ишчи аралашманинг хажми неча марта камайишини курсатади. Сиқиш даражаси канча куп булса сиқиш такти охиридаги ишчи аралашманинг харорати ва босими шунча катта булади.

 Иш цикли – цилиндр ичида кетма-кет бажариладиган жараёнлар мажмуаси натижасида ёкилги энергиясини механик ишга айлантиришни таъминлайди.

4 тактли двигателларда иш цикли тирсакли валнинг икки марта айланишида содир булади (поршенни турт марта бир чекка нуктадан иккинчисига бориб келганида), 2 тактли двигателларда эса тирсакли вални бир марта айланганида (поршен икки марта бориб келганида) иш цикли тулик содир булади.

 Такт – двигател иш циклини бир кисми булиб, поршенни бир чекка нуктадан иккинчи чекка нуктага   харакатланиши вактида бажарилади, яъни такт поршенни бир мартадаги тулик йулида содир булади.