Украина қонунлари урнатган тартибда бюджетлар ва мақсадли давлат фондларига ундириладиган солиқлар ва йиғимлар мажмуи мамлакатнинг солиқ тизимини ташкил қилади. Украинада 17 та умумдавлат, 16 махаллий солиқлар ва йиғимлар ундирилади. ққС 1992 йилда киритилган булиб, унинг улуши барча солиқ тушумларининг 60 фоизини ташкил қилади. Купчилик мамлакатлардан фарқли, ққС унификация қилинган ставка буйича ундирилади, шунинг учун бу солиқ буйича куплаб имтиёзлар кузда тутилган. Экспортга юкланган махсулотнинг қиймати солиққа тортиш обьекти булиб хисобланади. Бунда ққСни туланган миқдори, корхона хисобига келиб тушган тушумдан кейин қопланади.

Жисмоний шахслар даромадидан олинадиган солиқ буйича туловчилар доираси, хисоб-китоб услуби худди Россиядаги кабидир. қабул қилинган тартибга асосан, тамға солиғи хам умумдавлат солиқларига киради. Унинг туловчилари хусусий мулк формасидан қатьий назар солиққа тортиш обьекти булиб аниқланган хужжатларни ва маркалашни амалга оширадиган барча хужалик фаолиятини юритадиган субьектлар хисобланадилар. Ижро этувчи хокимият ташкилотлари томонидан бериладиган хужжатлардан ташқари барча хужалик шартномалари, векселлар маркалаштирилиши лозим. Тамға йиғими ставкаси устав фонди миқдорига, шартнома ва векселлар буйича тулов миқдорлари суммасига боғлиқ холда белгиланади. Тамға йиғими маркалари жамғарма банкларининг бошқармалари ва унинг худудий бошқарма ва булимлари орқали сотилади.

Ресурс туловлари, ижара тулови, ер жойлари солиғи, сув ресурсларидан фойдаланганлиги учун олинадиган туловлар туғрисида.

Ер солигини туловчилари булиб, ер эгалари ва ердан фойдаланувчилар хисобланадилар. Солиққа тортиш обьекти булиб, хусусий мулк булган ёки фойдаланишга хамда ижарага берилаган ер жойлари хисобланади. Ер учун тулов шакли-ер солиғи ва ижара тулови. Ер солиғини мулкка эгалик хуқуқи давлат далолатномасига эга булган ер эгалари ва ердан фойдаланиш хуқуқига эга булган ердан фойдаланувчилар тулайдилар. Ер солиғи микдори ер жойи катталигига, унинг қийматига қараб ставка буйича аниқланади. Ер жойининг қиймати Украинанинг ер ресурслари буйича Давлат қумитаси томонидан белгиланади. Ижара хақи ер жойларидан фойдаланганлиги учун ижарачи томонидан туланадиган туловдир.

Ерни ижарага берувчилар махаллий хукумат ташкилотлари ва ер эгалари хисобланадилар. Юридик шахслардан ер учун ижара хақини ундириш шарти, миқдори, вақти ижара берувчи ва ижарага олувчи орасидаги шартномага асосан белгиланади. Ижарага олувчи юридик шахслар ер учун ижара хақини ер эгаси хисобига утказадилар. Бунда ер эгалари тегишли бюджетга ер солиғи тулайдилар. Агар қишлоқ, овул, шахар, туман кенгашлари ижара берувчилар булишса, ижарага олувчилар ижара хақини мустақил равишда бюджетга тулайдилар.

қиймати аниқланган ер жойлари солиғи ставкалари, уларнинг фойдаланиш йуналиши буйича даражаланган фоизларда белгиланади. Ер жойларининг қуйидаги турлари фарқланади: хайдалган ерлар; пичанзорлар; яйловлар; куп йиллик кучатлар; бахоси аниқланган ахоли яшайдиган худудларнинг ерлари; ишлаб чиқариш корхоналарини ерлари; транспорт ва алоқа воситалари корхоналарининг ер жойлари; темир йул транспорти ерлари; ер ости сув фонди ихтиёридаги ер жойлари, ва бошқалар. қиймати аниқланмаган ахоли яшаш худудидаги ер жойлари учун солиқ ставкаси ахоли сони, шахарлар тоифаларига боғлиқ холда ернинг хар бир квадрат метрига қатъий суммада белгиланади. Бундан ташқари худуднинг тарихий маданий белгиланишидан келиб чиққан холда ер солиғини оширувчи коэффициентлар мавжуд. Ер участкасини белгиланган меъёридан ортиқ ажратилганлиги учун солиқ 5 баравар купайтириб олинади.

қишлоқ хужалик товарлари ва балиқ махсулотларини ишлаб чиқарувчилар ер солиғини тенг улушларда 15 август ва 15 ноябргача, қолган туловчилар–хисобот ойидан кейинги ойнинг 15–кунига қадар тулайдилар.

Сув учун тулов сув ресурсларидан махсус ишлар учун фойдаланганлиги ва сувдан энергетика эхтиёжлари учун фойдаланганлиги учун ва сувни хусусий ишлаб чиқариш эхтиёжлари учун ишлатаётган тадбиркорлик фаолияти билан шуғулланаётган барча субъектлар томонидан туланади. Тулов меъёри 1м.куб учун абсолют миқдорда аниқ дарёлар бассейнлари буйича даражаланган холда Украина Вазирлар Махкамаси қарорлари буйича тасдиқланади. Белгиланган меъёрларга қуйидаги коэффициентлар қулланилади: уй-жой ва коммунал хужалик корхоналари, ховузли ва кулли хужаликлар учун-0,1; қишлоқ хужалик ишлаб чиқарувчилари учун-0,2; иссиқлик ва атом электр станциялари учун-0,5; гурунч етиштирувчилари учун-0,8.

Барча дарёлар сув ресурсларидан махсус фойдаланганлик учун гидроэлектростанцияларнинг меъёрий тулови, турбинадан утган хар  100 м.куб сув учун хисобланади. Лимитдан юқори даражада сувдан фойдаланганлик учун 5 маротиба ортиқ тулов ундирилади. Туловнинг хақиқий суммаси хар чоракда фойдаланилган сувнинг хақиқий хажми меъёрлар имтиёзлардан келиб чиққан холда аниқланади. Тулов бюджетга хисобот чорагидан  кейинги ойнинг 20 –кунига қадар туланади. Махаллий солиқлар ва йиғимлар тизими уз ичига 2 та солиқ ва 14 та йиғимни олади. Коммунал солиқ ва қуйидаги йиғимлар  мажбурий булиб хисобланади: савдо-сотиқ ва хизматлар доираси объектларини кучиришга рухсат беришдан, бозор, квартирага ордер беришдан, ит эгаларидан олинадиган йиғимлар. қолган солиқлар махаллий ташкилотлар ихтиёрига боғлиқ холда маълум худудларда жорий қилинади.

Купчилик махаллий солиқларнинг тузилиши, хисоб-китоб ва ундириш тартибига кура Россия солиқ тизимига ухшаши билан бирга, узига хос солиқлар хам мавжуд. Масалан, коммунал солиқ.

Коммунал солиқ туловчилари булиб, бюджет ташкилотлари, қишлоқ хужалик ва режали дотацияли корхоналардан ташқари барча юридик шахслар хисобланадилар. Солиқнинг чегаравий  миқдори  йиллик  иш хақи   фондининг 10 % миқдорида белгиланган.  

Чет элга чиқиш учун чегара олди вилоят худудларидан автотранспортда утганлиги учун йиғим, бозор йиғими, мехмонхона йиғимларини йиғиш туғрисида.

Автотранспортда чет элга чиқмоқчи булган юридик шахслардан чегараолди худудидан чет элга чиқиш учун автотранспортда утганлиги сабабли йиғим олинади. Украинада юридик шахслар ва фуқаролар учун солиқ ставкасининг чегаравий миқдори фуқаролар даромадлари солиққа тортилмайдиган энг кам миқдорининг  ярмини ташкил қилади, бошқа давлатларнинг юридик шахслари ва фуқаролари учун эса 5$ дан 50$ гача йиғим ундирилади. Аниқ ставкалар автомаштна маркаси ва от кучи қувватига боғлиқдир.

         Бозор йиғимини бозорларда очиқ пештахталарда, автомашиналарда, мотоциклларда, қул аравачаларда вақтинчалик дуконларда товар савдо-сотиғи билан шуғулланадиган юридик ва жисмоний шахслар тулайдилар. Бу йиғим алохида бинога эга булган савдо–сотиқ стационар пунктларидан, умумий овқатланиш корхоналаридан олинмайди. Солиқ ставкаси махаллий хукумат ташкилотлари томонидан  қуйидаги чегараларда урнатилади: юридик шахслар учун 3 минимал иш хақидан ортиқ булмаган; фуқаролар учун минимал иш хақидан 20 фоиздан ортиқ булмаган. Мехмонхонада яшовчилар мехмонхона йиғимини туловчилар хисобланадилар. Солиққа тортиш объекти–қушимча хизматларсиз ижарага олинган хонанинг бир кунлик қиймати хисобланади. Ставка ижарага олинган хонанинг бир кунлик қийматининг 20 фоиздан ортиқ булмаган миқдорда белгиланади.

         Украина қонунчилиги Украина давлат бюджетига киритиладиган мақсадли фондларига чегирмаларни хам кузда тутади (пенсия фонди ва ижтимоий суғурта фондидан ташқари).

         Жамоатчилик фойдаланадиган автомобиль йулларини қуриш, қайта қуриш, таъмирлаш ва таъминлаш учун чегирма хамда йиғимлар 1991 йил 18 сентябрда қабул қилинган «Йул хужалигини молиялаштириш хақида»ги Украина қонунида кузда тутилган  мажбурий туловлар хисобланади. Маблағлар тегишли бюджетларнинг алохида счётларига утказилади ва қатъий мақсадларда фойдаланилади. Бу туловлар қуйидагиларни уз ичига олади :

• корхона ва ташкилот маблағлари чегирмалари;
• ёнилғи-мойлаш материалларини сотишдан олинадиган йиғим;
• автомашиналардан  фойдалангандан  олинган даромадлардан чегирмалар;
• Украина автомобиль йулларидан утганлик учун йиғим;
• транспорт ва бошқа узиюрар машина ва механизмлар эгаларидан олинадиган солиқ.

Солиққа тортиш объекти, корхоналар ва ташкилотлар маблағлари буйича ажратмалар ставкалари хужалик фаолияти турига боғлиқ булади. Масалан, саноат, қурилиш, транспорт корхоналари ишлаб чиқарган махсулот, бажарилган ишлар, курсатилган хизматлар хажмидан 0,4 дан 1,2 фоизгача ставка буйича; тайёрлаш, таъминот-мол сотиш ташкилотлари товар айланмасининг 0,03 дан 0,06 фоизгача ставкада чегирмалар ажратадилар. Бунда солиққа тортиладиган манбага ққС ва акциз йиғими суммалари киритилмайди. Ставкаларнинг аниқ миқдори хукумат ташкилотлари, вилоят ва қрим автоном Республикаси бошқармалари томонидан аниқланади. Ёнилғи-мойлаш материалларини сотишдан олдинадиган йиғимни корхоналар ва ахоли автомашиналарга ёнилғи қуйгани учун тадбиркорлар  ва корхоналар тулайдилар. Солиққа тортиш объекти булиб, ққС хисобга олинмасдан сотилган ЁММ ларнинг қиймати хисобланади. Йиғим 7 фоиз ставка буйича ундирилади ва сотиш нархига киритилади.

Автомашиналардан фойдаланиб, олган даромадлардан солиқ туловчилар булиб, мулкка эгалик шаклидан қатьий назар, юк ташишни амалга оширадиган автотранспорт ташкилотлари хамда тулов таьрифи буйича юк ташишни амалга оширадиган хар қандай бошқа ташкилотлар хисобланадлар. Автотранспортдан шахсий эхтиёжлар учун фойдаланадиган ташкилотларгина ажратмаларни амалга оширмайдилар. Солиққа тортиш обьекти булиб, ККСсиз, автомашинадан фойдаланиб олинган даромад хисобланади. Ставка 2 фоиз миқдорида белгиланган. Йиғим, ташиш таьрифига киритилади.

Украина автомобиль йулларидан утганлиги учун йиғим, чет эл давлатлари транспорт воситалари эгаларидан Украина божхона чегараларидан утаётганда, Украина миллий банки томонидан белгиланадиган валютада ундирилади. Шуни таькидлаш керакки, шартноманинг етказиб бериш базисли шартига кура, ушбу йиғим Украина корхонаси томонидан хам туланиши мумкин. Йиғим ставкаси транспорт воситаси тури, унинг қуввати ва юк кутариш қобилиятига кура белгиланган. Бундан ташқари, куриб чиқилаётган йиғимни транспорт воситасининг оғирлиги ва катталиги, урнатилган   меъёрларидан ошадиган Украина резидентлари хам тулайдилар.

Транспорт ва бошқа узиюрар машина ва механизм эгаларидан олинадиган солиқни барча юридик шахслар билан бирга, чет эл фуқаролари ва фуқаролиги булмаган, аммо Украинада руйхатга олинган шахсий транспорт воситалари булган шахлар тулайдилар. Солиқ ставкаси двигатель цилиндрининг 100 см.куб. хажмига, электр двигатели транспорт воситалари буйича 10 кВт.га, яхта қайиқ ва катерларнинг 1 см.га еврода белгиланган.   Солиқ ставкаси солиқ тулови амалга оширилаётган чоракнинг 1-кунидаги миллий банкнинг расмий курси буйича Украинанинг миллий валютасига қайта хисобланиб утказилади. Бу солиқ ишлаб чиқариш ва муомала харажатларига киради.

Ногиронларни ижтимоий мухофаза қилиш жамғармасига ажратмалар ва давлат инновацион жамғармасига йиғимлар туғрисида тушунчалар.

Барча ташкилотлар, мулкка эгалик қилиш шаклидан қатъий назар Украина конунчилигига асосан, ногиронларни иш билан таъминлаш учун иш жойлари яратишлари керак. Махаллий хукумат ташкилотлари бундай ишчи уринларининг умумий ишчилар сонининг 4 фоиздан кам булмаган миқдорида меъёрларни белгилайдилар. Агар ташкилотлар белгиланган меъёрлар буйича ишчи уринларини яратмасалар, улар касбий ва ижтимоий реабилитация қилиш тадбирларини амалга ошириш учун айтиб утилган фондларга маблағлар утказишга мажбурлар. Ажратмалар миқдори ногиронларни иш билан таъминлаш учун яратилмаган хар бир ишчи урни учун 1 та ишчининг уртача йиллик иш хақи миқдорида белгиланган. Ажратмалар суммаси туловчининг ялпи харажатлари таркибига кирмайди, яъни корхонанинг фойдаси хисобидан туланади.

Давлат инновацион фонди йиғими туловчилари булиб, шахсий мулк шаклига боғлиқ булмаган холда, барча тадбиркорлик фаолияти субъектлари хисобланадилар. Ушбу йиғим ққС ва акциз йиғими чегирилган холда сотилган махсулот, (амалга оширилган иш, хизмат) қийматининг 1 фоизи миқдорида туланади. Утказилган йиғим суммаси корхонанинг ялпи харажатларига киради.