Magnit rezonansli tomografiya tekshirish usuli yadro — magnitli rezonans prinsipiga asoslangan. Ayrim atom yadrolari, masalan, vodorod yadrosi bir jinsli magnit maydonida magnitga o‘xshab harakatlanadi. Yadroli rezonans hosil qilish uchun odam tanasi atrofiga qisqa to‘lqinli radioto‘lqinlar yuboriladi.

Magnit maydonida hosil bo‘lgan energiya datchiklar yordamida registratsiya qilinadi. Registratsiya natijalariga ko‘ra, odam tanasi to‘qimalarining kimyoviy va biologik holatiga baho beriladi. Hozirgi vaqtda YMR — tomografiya tekshirish usuli asosiy informatsion- diagnostik tekshirish usuli hisoblanadi.