Sitratsiz probirkaga retsipiyent qonidan 2—3 ml olinadi, qon ivib qolganidan keyin laxtasi shisha tayoqcha bilan ko‘chiriladi va qon sentrifugalanadi. Shu probirkadan ikki tomchi zardobi olinib, Petri kosachasiga solinadi, unga yarim tomchi donor qoni qo‘shilib, aralashtiriladi va kosacha suv hammomiga qo‘yiladi (42—45°C) 10 minutdan keyin kosacha olinib, ohista tebratib turilgan holda yorug‘likka tutib qaraladi. Agglutinatsiya paydo bo‘lishi ushbu qonni quyish mumkin emasligini ko‘rsatadi.